Vik mot Stryn (1-1)

Toppkamp på Vik kunstgras. Serieleiar mot serietoar. Stryn mot Vik. Begge lag ligg med 21 poeng før kampen og er berre skilt av målforskjellen. 90 minutt seinare er me like langt, men no har begge lag 22 poeng.

Perfekt vêr for fotball. Vindstilt og opphald. Masse folk har møt opp for å støtta heimelaget.

Kampen startar med litt stillingskrig, begge lag kjenner litt på kvarandre og kampen på midtbana har starta. Stryn er fyrste lag på besøk i motstandaren sin 16 meter, det endar i hjørnespark og avslutning til side for målet til Kaptein Hovland. Det skulle faktisk ta heile 7 minutt før Vik fekk ballen innanfor Stryn sin boks, men det kunne fort vorte mål ut av det. Tarjei Vevle kjem ned høgrevingen og svingar ballen inn til spissveteran Svein Erik Saglien som avsluttar litt til side for målet til Stryn.

Vik kjem meir med i kampen etter dette og når dei får frispark på 35 meters hald er Saglien igjen oppe i lufta og avsluttar over målet til Stryn. Etter dette er laga jamne, men Vik er hakket tøffare enn Stryn. Etter 20 minutt kjem Stryn tilbake og har mange forsøk både på hjørnespark og andre døballar, men Vik får klarert kvar gong. Etter ein slik dødball vinn Stryn ballen tilbake og sender sin spelar gjennom, Viljar Andersen er etter han og Strynspelaren prøver å filma seg til ein straffe. Det skal seiast at ingen på Stryn ba om straffe etter situasjonen og spelaren som mista beina under seg spratt rett oppatt, Eit augnablikk han nok helst vil gløyma. Får tilsnakk frå dommaren og Vik overtak ballen.

Ein omgang med mange lange ballar, mange døballar, fleire langspel og tendensar til fint spel frå begge lag. Veldig jamnspelt omgang. Det er nok ikkje altfor mange som er ueinige når eg seier at spelar for spelar så har nok Stryn mest kvalitet ute på bana, men innsatsen og viljen som finst i dette Vik-laget er heilt fantastisk og sjå på. Eg seier ikkje at Vik ikkje har kvalitet i spelarane sine, men me må vera så ærlege å seie at Vik denne sesongen har vunne 7 kampar gjennom hardt slit og oppofrande spelestil.

Stryn startar og andre omgang best, men når dei får ein spelar skada etter duell med Vik keeper Hovland og midtstoppar Steinar Wold tek Vik over ein periode. Det er nettopp i denne perioden han er det igjen. Thomas Tveit Hjortland gjer det igjen. Keeperen til Stryn vil setje i gong på eigen spelar som ikkje var heilt oppmerksam, Thomas rekk ballen fyrst og sett ballen bak motstandaren sin keeper. Våkent av Thomas! Jubelen bryt laus i Vik. Kan dette halde heile vegen?

Det såg faktisk slik ut ei lita stund, men målet til Thomas kom etter 58 minutt og Vik held trykket oppe langt inn på 60-tallet, men så tek Stryn over. Vik står lenge i mot og kaptein Hovland står som ein levande vegg. Kanskje best symbolisert med eit knallhardt skåt frå rett innanfor 16 meteren. Skåtet går mot det lengste krysset, men 2 fingra frå Stig Roar er nok til at ballen går på innsida av stanga og ut i standen for nettet. Målet flytta seg nokre cm, men det er fortsatt Vik som leiar.

Etter 71 minutt sitt den for Stryn, dei spelar ut Vik på høgresida og kan plukke ut eigen spelar på opent mål. 1-1! Dei neste 20 minutta er ein oppvisning i oppofrande forsvarspel og brente sjansar. Og sjølv om Vik har sine sjansar må me seia at det er bortimot eit mirakel at Stryn ikkje reiser heim med alle 3 poenga i bagasjen.

Stig Roar hadde minst 27 redningar, Steinar og Ørjan kasta seg framfor avslutningane til Stryn dusinvis av gonger og midtbana til Vik spring og spring. Bytta til Vik var Thomas Tveit Hjortland ut og Sivert Aase inn og bursdagsguten og fersk 18 åring Joakim Skjerven ut og Thomas Jenssen inn. To veldig gode innhopp.

Det vart ikkje fleire mål i kampen, sjølv om trenar Aleksander Valsvik nesten stjal det frå 40 meter på overtid. Ifølge Alek sjølv hadde den nok godt inn hadde ballen vore litt hardare. Nei då, jau då.

Det er vanskeleg å velga seg ein bestemann i ein slik gjeng som spelte for Vik i dag. Stig Roar, Steinar, Alek, Thomas H og Tarjei er etter min meining eit pitte lite hakk bedre enn resten av Vik spelarane, men dette er fyrst og fremst ein lagsiger og det seier litt om sesongen at ikkje ein Vik spelar er interessert i å feire det eine poenget frå serieledar og opprykksfavoritt Stryn. Berre tre poeng er godt nok i Vik.

Lagleiarane på benken og heile Vik er i vertfall ekstremt stolte over det Vik sine utvalgte presterer på kunstgraset i ettermiddag. Me dreg kvarandre opp, ikkje ned! me har ein stor og god tropp. Dette tydeleg demonstrert med at to så topptrent og gode fotballspelarar som Sivert Aase og Thomas Dupp sitt på benken frå start, for ikkje å snakka om Vegar Halset, Erlend Aase, Espen Tveit Lunde, Asgeir Refsdal, Marcin Michalik og og Idar Andre Tenold Saglien. Eg har sagt det før og det skadar ikkje å gjenta det: Grunnen til at Vik ikkje har tapt ein fotballkamp i 2017 er breidden i troppen. Alle får ikkje spela lika mykje, men alle kjem på trening veke etter veke og gjer kvarandre betre og betre.

Heilt til slutt må me takka Stryn for kampen. Dei kom for 3 poeng reiser heim med eit. Dei er nok ikkje nøgd med misbrukte sjansar, men dei eg snakka med etter kampen sa at dette var utruleg artig. Kjempestas å spela fotball i Vik!

Ingen Zikke i dag, men ingen sure miner frå meg!

Neste helg er det bortekamp mot Dale og det vert ikkje noko lettare enn i dag, Thomas Tveit Hjortland kan ikkje vera med grunna 3 gule kort og det er i tillegg fleire andre tvilsamme. Troppen til Vik blir test framover!

PS: Yngve Hove har funne seg bustad i Førde til hausten saman med Sivert Aase og John Are Flatland. Tre spissar i ein leiligheit altså. Så lenge dei kjem heim for å spela kampar er det greitt for meg.

#Breiddeidrett #Fotball #Vik #Vikil